Политиката на Еуростандард Банка за пласман на кредити и гаранции е заснована на подготвеноста на Банката на своите клиенти да им пружи помош и поддршка во остварувањето на заедничките цели.

Банкарската гаранција претставува инструмент за обезбедување со кој банката како гарант се обврзува на исплата на одредена сума на средства во полза на корисникот на гаранцијата, доколку должникот во предвидениот рок не исполни некоја од обврските наведени во гаранцијата.

Во зависност од видот на обврската која треба да се исполни, Еуростандард банка АД Скопје ги издава следните видови банкарски гаранции:

Ностро девизните гаранции претставуваат инструмент за обезбедување кој се издава во полза на странски правни лица. Со овој инструмент, странската компанија се обезбедува дека тогаш Банката која ја издала гаранцијата, односно ЕУРОСТАНДАРД Банка ќе ја обесштети во висина на гарантираниот износ, доколку домашното правно лице: не му плати за купена стока или извршена услуга во определениот рок; не изврши одредена чинидба според утврдените услови и рокови; не потпише договор за добиениот тендер; не го врати примениот аванс поради неисполнување на обврските или сл.

Банката врши издавање и авизирање на следните видови девизни гаранции: Потребни документи за издавање на ностро девизна гаранција:
Договор со странскиот деловен партнер, анекс/и кон договорот, фактура, профактура, предлог текст на гаранцијата во случај кога странскиот партнер поставува одредени барања во поглед на текстот на гаранцијата (најчесто кога станува збор за девизна тендерска гаранција)
Лоро девизната гаранција во најголем број случаи пристигнува преку S.W.I.F.T.-от на порака МТ760, но не е исклучена можноста истата да дојде по пошта или комитентот сам да ја донесе (ова единствено во случај кога гаранцијата била издадена на меморандум од странската банка). По приемот на гаранцијата најнапред се утврдува автентичноста на гаранцијата. Доколку не е можно да се утврди нејзината автентичност за тоа веднаш се известува банката која ја издала гаранцијата (ова најчесто е случај кога гаранцијата пристигнала по пошта или комитентот сам ја доставил во Банката) и истата не се проследува понатаму.

Штом ќе се потврди автентичноста на лоро гаранцијата се разгледуваат останатите елементи: кој е корисник на гаранцијата и дали е комитент на Банката, рокот на важноста, предмет на гаранцијата, услови и сл. и писмено се известува комитентот дека е примена лоро гаранција во негова корист со истовремено доставување на копија од гаранцијата. Комитентот е должен внимателно да ја разгледа гаранцијата и без одлагање писмено да ја извести Банката дали истата ја прифаќа или не.

Инкасото е услуга којашто банката ја обезбедува и со која го олеснува начинот на плаќање помеѓу учесниците во меѓународниот платен промет.

Инкасото обезбедува поголем степен на сигурност за извозниците од класичниот начин на плаќање - плаќање со дознака

Инкасото подразбира откуп на документи од страна на увозникот, кои се презентирани со посредување на банките, со што се овозможува брзо и ефикасно следење и плаќање на веќе извршениот увоз и/или извоз на стока, со прием на сите неопходни документи за понатамошно користење на стоката. Банката како посредник овозможува извршување на плаќањето и приемот на документите.

Инкасото се дели на две категории Извозно и Увозно Инкасо.

Овој инструмент вообичаено се користи кога деловните партнери сеуште немаат изграден однос на взаемна доверба

Акредитивот по својата дефиниција преставува испорака на стока наспроти исплаќање на договорениот износ. Со акредитивното работење своја заштита добиваат и купувачот и продавачот.

 

Акредитив се користи пред сè во услови кога деловните партнери не се познаваат добро помеѓу себе, како и на почеток од својот деловен однос.

 

Предност за продавачот при користење на акредитивот е сигурноста дека ќе ја наплати стоката што ја испорачал, доколку ги следи упатствата и условите на акредитивот.

Потребни документи за отворање акредитив:
Договор со странскиот деловен партнер, анекс/и кон договорот, фактура, профактура, предлог текст на акредитивот во случај кога странскиот партнер поставува одредени барања во поглед на текстот на акредитивот
Лоро  акредитивот во најголем број случаи пристигнува преку S.W.I.F.T.-от на порака МТ700 или МТ710, но не е исклучена можноста истиот да дојде по пошта или комитентот сам да го донесе (ова единствено во случај кога акредитивот бил издаден на меморандум од странската банка, но во пракса ваквиот начин на отворање на акредитиви е изумрен). По приемот на акредитивот се разгледува со цел најнапред да се утврди автентичноста на акредитивот. Доколку не е можно да се утврди автентичноста (што е најчест случај кога акредитивот не е отворен преку S.W.I.F.T.-от) за тоа веднаш се известува банката која го отворила акредитивот и истиот не се проследува понатаму.

Штом ќе се потврди автентичноста на лоро акредитивот се разгледуваат останатите елементи: кој е корисник на акредитивот и дали е комитент на Банката, рокот на важноста, какви документи се бараат за наплата по акредитивот и сл. и писмено се известува комитентот дека е примен лоро акредитив во негова корист со истовремено доставување на копија од акредитивот. Комитентот е должен внимателно да го разгледа акредитивот и без одлагање писмено да ја извести Банката дали истиот го прифаќа или не.