Испраќање пари:

Пополнете го формуларот „Испраќaње пари“ на Western Union во една од експозитурите на Еуростандард Банка, а потоа предадете го на овластеното лице во експозитурата заедно со документ за лична идентификација и сумата на пари кои сакате да ја испратите. Откако ќе добиете потврда со контролен број како доказ дека вашето барање е примено и одобрено, известете го примачот на трансферот и задолжително кажете му го контролниот број. Примачот кој сте го назначиле на формуларот ќе може да ги подигне парите во истиот момент откако ќе му го соопштите контролниот број.

Примање пари: Откако ќе добиете известување од страна на испраќачот за извршениот трансфер, точниот износ и времето на испраќање, дојдете во една од експозитурите на Еуростандард Банка и пополнете го формуларот „Примање пари“. Во него наведете ја земјата од каде пристигнуваат парите, името на испраќачот, сумата која ја очекувате и секако контролниот број. Пополнетиот формулар предадете му го на овластеното лице во експозитурата и приложете документ за лична идентификација. Доколку податоците наведени од страна на испраќачот се компатибилни со вашите, овластеното лице ќе ви ги исплати парите во истиот момент.